بیز حسیندن
آلمشوک عشق و وفا سرمشقینی
ایستیور دشمن آلا بیزدن حسینون عشقینی
سعی
ائدور وهابی رونقدن سالا هیئتلری
شیعه نین آدین باتیرماخدور فقط نیتلری
فتنه ایجاد ایلیوللر دینی کمرنگ اتمگه
غربی آیینی بیزیم کشورده فرهنگ اتمگه
مکه ده گوردوز او بی غیرت جماعت نیلدی
بی شرافتلر مناده نه جنایت ایلدی
آندولا حقه بولار نسل ابو سفیاندیلار
شیطانی گوزدن سالوبلار مرشد شیطاندیلار
فرق مولانی نماز ئوسته یارانناردی بولار
دختر پیغمبره سیلی ورانناردی بولار
کربلاده شاه دینی ئولدورنلردی بولار
روز عاشورا حسینی ئولدورنلردی بولار
بو شعاری طاق محرابه یازار اهل سجود
مرگ بر آل امیه - مرگ بر آل سعود
فکر ائدوللر کی بورا بحرین و یا لبنانی دور
یا فلسطین و یمن دور - یوخ بورا ایرانی دور
جان وئروب ال چکمروک عشق عالمین احساسی دن
آلموشوک درس شرافت حضرت عباسی دن
بیزده حیدر قانی واردی شیعی و آزاده یوک
دین و قرآنه گورا جنگ اتمگه آماده یوک
عاشق نام امیر المومنینوک هامیمیز
تابع امر ولی مسلمینوک هامیمیز
گر اشاره ایلسه دنیاده طوفان ایلروک
کاخ وهابیتی خاکیله یکسان ایلروک
فرض ادون خط مقدم دی بورا میدان جنگ
تک تکوز بیر قهرمان سوز گوز یاشوز تیر خدنگ
باغلیون سر بند یا زهرا گیون قاره کفن
پرچم نصرمن اله الده فوج صف شکن
هیئته ارزش وئرون بی ارزشین نسلین کسک
یا اباالفضل سسلیون تا داعشین نسلین کسک